कधी कधीच ऑनलाइन येतेस
त्यातुन कधीतरीच मला हाय म्हणतेस
काहितरी भलंमोठं लिहितेस
आणि विचारल्यावर म्ह्णतेस "सॉरी..नॉट फ़ॉर यु!!"
मी आपला गुंतत जातो,
तुझ्या रिप्लाइज ची वाट पाहतो,
कधी वाटतं मुद्दाम करत असशील तू,
पण मग स्वतःलाच समजावतो,"सॉरी..नॉट फ़ॉर यु!!"
कुणीतरी गैरसमजात कुणावर प्रेम करत असेल,
दुसरी व्यक्तीही प्रतिसाद देतेय,
असं आपलं उगाच समजत असेल,
अवघड जात असेल न त्याला सांगणं ,"सॉरी..नॉट फ़ॉर यु!!"
आपलं गुपित आपण शेअर करत असू,
मनात जे चाललंय ते सगळं टाइप करत असू,
आणि कळलं कि चॅट विंडोच चुकिची आहे,
त्याला सांगून काय फायदा,,"सॉरी..नॉट फ़ॉर यु!!"
मिळालेला एक नंबर फिरवला,आपल्या स्थळाची माहिती दिली,
आणि कळलं अहो जेवळेकर नाही जवळगेकरांचा नंबर आहे,
स्थळ काही आवडलं नाही,
कसं सांगायचं बुवा,,"सॉरी..नॉट फ़ॉर यु!!"
रोझ डे ला तो एक गुलाब घेउन आला,
तिला वाटलं तिच्याकडेच येतोय,
तिने आपला हात पुढे सरसावला,
त्याने गुलाब तिच्या मैत्रिणीला देत म्हटलं,,"सॉरी..नॉट फ़ॉर यु!!"
त्यानं वर्षानुवर्ष तिची वाट पाहिली,
पण तिला निर्णय घेणं जमलंच नाही,
त्याचा प्रेमभंग करुन गेली,
सहज म्हणाली जाता जाता,,"सॉरी..नॉट फ़ॉर यु!!"
आयुष्यभर दोघं एकत्र सुखात नांदावी,
वृध्दापकाळाने एकाने साथ सोडावी,
आनंद किती होइल जर,
यमाने म्हटले ,"सॉरी..नॉट फ़ॉर यु!!"
कोणत्याही टिप्पण्या नाहीत:
टिप्पणी पोस्ट करा