"रिटा"

गेल्या रविवारी मराठीतील "रिटा" पाह्ण्याचा योग आला.सिटीप्राइड कोथरुड ला टिकेट्स मिळवली.मग "पोटोबा" मधे जेवणासाठी गेलो.तिथे जाण्याची माझी पहिलीच वेळ.तिथला मेनू वाचून मी थक्कंच.अहो तिथे चक्क वरणफळं,फोडणीचा भात,फोडणीची पोळी असे पदार्थ मिळतात.हं...पुणे तिथे उणे काय हेच खरं.. मग "वरणफळं","फोडणीचा भात" आणि "पिठलं भाकरी" मागवलं.पोटभर जेवलो आणि थिएटर ला आलो.
आत गेलो आणि पल्लवी जोशी दिसली .अर्थात चित्रपट सुरु झाला होता . "रिटा" शांता गोखले (अर्थात रेणुका शहाणे च्या आई) लिखित "रिटा" ह्या कादंबरीवर आधारीत आहे.हा एका १७ वर्षीय मुलीचा चाळिशिपर्यंतचा प्रवास.एक अशी मुलगी जी १७ व्या वर्षापासुनच घर सांभाळायला सुरूवात करते.तीन बहिणी,नोकरी गेलेले पण सो कॉल्ड अप्पर मिडल क्लास च्या अविर्भावात वावरणारे वडिल,त्यांची साथ देणारी आई आणि रिटाकडेच डोळे लावून बसलेली तिची भावंडं अश्या ह्या फॅमिली मधे एकटीच कमवती रीटा आणि तिची ही गोष्ट म्हणा हवंतर. तारुण्यातच प्रौढ़ जालेली ही रीटा चाळीशीची होईपर्यंत एका विवाहित पुरुषाच्या प्रेमात पडते.तो पुरूष म्हणजे साळवी.स्वछ,निर्भय आयुष्य जगण्याची इच्छा असणारी रिटा प्रश्नांमध्ये अशी काही अडकते की ह्या हट्टापायी ती मानसिक रुग्णही होते.त्यातून बाहेर येण्यासाठी तिला आठवते आणि मदत करते ती तिची २२ वर्ष जुनी बालमैत्रिण सरस्वती .सरस्वतीच्या भूमिकेत रेणुका शहाणे पहायला मिळेल.
चित्रपटात मला कुठं कुठं असं वाटलं कि काही प्रसंग अजुन चांगले खुलवता आले असते.जसं रिटा मनोरुग्ण होणं,सरस्वतीचं पर्सनल लाइफ.पण चलता है...अनुभवी रेणुका शहाणेचं दिग्दर्शन खरंच कौतुक करण्याजोगं आहे.शिवाय ती एक अनुभवी नाट्य कलाकार.म्हणुन शंकाच नको.
साळवीच्या भुमिकेत मी पहिल्यांदाच जॅकी श्रॉफ ला मराठीत काम करताना पाहिलं.त्याने भुमिकेला नक्कीच न्याय दिलाय.रिटाच्या भुमिकेत पल्लवी जोशी आहे.तिनेही छान काम केलंय रिटाचं पुढे काय होता? इतर काय विशेष पाह्ण्यासारखं आहे? ह्या प्रश्नांची उत्तर चित्रपट पाहुनच मिळवलेलि बरी नाही का?

अफेअर

लग्न झालं आणि आम्हा दोघात वेगळंच सुखद नातं फुलंत गेलं.आत्तापर्यंतचे दिवस एकमेकांना ओळखण्यात सरकन निघून गेले. अनुभव खुपच मजेशीर होता.नवीनच प्रेमात पडल्यासारखा.त्या अनुभवाला मी अफेअर असं नाव दिलं.आणि हे अफेअर असं शब्दात बांधलं....

आमच्या असण्यावर जाऊ नका,
आमच्या नसण्यावर जाऊ नका,
आत्ता तर कुठे ओळख होतीय हळुहळु,
कारण आमचं अजुन अफेअर सुरुय,

असे आम्ही रुसणारंच,
कधी कधी अबोला असणारंच,
रुसवे काढण्यात मजाच वाटते अजुन तरी,
कारण आमचं अजुन अफेअर सुरुय,

तिनं त्याच्यासाठी हे करावं,
त्यानं तिच्या लक्षात यावं म्हणून मुद्दाम तसंच वागावं,
अजुन सगळं अंदाजच ठरवतायत,
कारण आमचं अजुन अफेअर सुरुय,

डोळे मिटावे आणि त्याची छटा दिसावी,
प्रत्येक सावली तिच्यासारखीच भासावी,
ह्यातुन लक्ष कसं राहील कशात,
कारण आमचं अजुन अफेअर सुरुय,

"अरे संसार संसार" असं अजुन तरी आम्ही म्हणत नाही,
जास्त विचार करायला आम्हाला वेळंच मिळत नाही,
सहा महिने झाले लग्नाला,
पण आमचं अजुन अफेअर सुरुय.